Category: Македонски

Еден од моделите на REPLACE, примери на добра практика во Словенија е холистичкото енергетско реновирање на куќа на семејството Жупанич во Љубљана. Како што беше предвидено во проектот REPLACE, семејството инсталираше климатски прифатлив систем за греење, а во исто време ја намали потрошувачката на енергија преку мерки за реновирање. Куќата се наоѓа во густо населена област во Љубљана. Пред спроведување на работите, инвеститорот ги помина сите потребни чекори како што е опишано во прирачниците REPLACE.

Дури и професионалците можат да користат поддршка кога станува збор за климатски прифатливо греење и ладење. Со цел да се обезбеди оваа поддршка, проектниот партнер на REPLACE, REGEA беше дел од тринаесеттиот саем на Стопанската комора во Крапинско-загорската жупанија, најголемиот собир на бизнисмени, занаетчии, семејни земјоделски фарми и многу други во регионот на Загорје.

Островот Мали Лошињ во Јадранското Море е популарна хрватска дестинација за одмор. Бидејќи во лето собите не се ладат само за населението на островот, туку и за туристите гости, побарувачката за енергија е доста висока. За да покаже како побарувачката може да се задоволи со системите за обновлива енергија, партнерот од REPLACE, Енергетскиот институт Хрвоје Пожар (EIHP) организираше настан т.н. Ден на отворена куќа на островот на 12 април 2022 година.

Со цел да се заменат фосилните горива со обновлива енергија, шпанските партнери во REPLACE, EREN и Escan ја промовираат употребата на биомаса во зградите и домовите. За да се заштеди поголема количина на CO2 емисии и да се поддржи Европа да стане климатско неутрална до 2050 година, партнерите во REPLACE се фокусираа на Кастиља и Леон, особено наградуван и препознаен регион во Шпанија.

Грејните мрежи напојувани од обновливи извори на енергија можат да бидат добра транзиција за заштита на климата: покрај замената на индивидуалните системи за греење, тие снабдуваат цели улици со климатски прифатлива топлинска енергија. Во исто време, тие нудат можност да станат независни од флуктуирачките цени на енергијата и снабдувањето со нафта и гас од странство, како и заштеда на пари. Но, како се планираат, градат и работат топлинските мрежи?

Замената на системот за греење е сложен процес. Потребно е да се земат во предвид многу фактори за замената да резултира со најдобро и најефикасно решение. Активностите и алатките на REPLACE нудат иновативен пристап кон процесот на замена што е лесно разбирлив и достапен не само за професионалците, туку и за крајните корисници.

Изработката на предфизибилити студии за замена на системот за греење е една од иновативните активности што за прв пат беше претставена и достапна на крајните корисници во кантонот Сараево (целниот регион во БиХ) – потполно бесплатно. Студиите покажуваат системи за греење препорачани за одредено домаќинство, како и придобивките од замената.

Во регионот Родопи во Бугарија, REPLACE калкулаторот за замена на системи на греење обезбедува важна поддршка за домаќинствата да ја изберат најдобрата технологија за греење за нивниот дом. Заедно со двете домаќинства кои се дел од примерите, партнерот во проектот REPLACE, BSERC, дозна за технологиите што одговараат на зградите, за оперативните трошоци, времето на враќање и заштедата во пари и CO2.

По повеќе од една година консултации со чинителите и имплементација, за прв пат во Австрија беше развиен едношалтерски систем за замена на котли за станбени простории – од системи за греење со нафта/гас/директна електрична енергија до системи за обновливи извори и централно греење.

Матрицата за греење покажува кои системи за греење се најпогодни за одреден тип на објекти. Калкулаторот за греење ги одредува годишните трошоци и помага да се најде најдоброто решение за одреден објект.

Цените на енергенсите во последните две години пораснаа исто толку колку што пораснаа за време на нафтената криза во 1973 година. Ова им создава проблеми на многу домаќинства, бидејќи греењето на нафта, природен гас или особено јаглен стана скапо, посочува SDEWES-Скопје го координира европскиот проект REPLACE во Северна Македонија. За да се избегне „замката на трошоците за греење“, потребно е да се заменат старите, неефикасни и климатски неприфатливи системи за греење. Оние кои се греат на нафта, природен гас или јаглен не само што плаќаат многу пари, туку овие застарени системи за греење се исто така меѓу најштетните од сите достапни технологии за греење на просторот. За полесно да се префрлите на нов, климатски прифатлив систем за греење, достапни се две независни, бесплатни онлајн алатки на македонски јазик како дел од европскиот проект REPLACE.