Category: Македонски

Од ноември 2019 до април 2023 година, проектот REPLACE на Европската Унија ги поддржа домаќинствата да ги заменат своите стари, неефикасни системи за греење со модерни, чисти и климатски прифатливи системи за греење кои обезбедуваат поголема удобност на крајните корисници. Во контекст на енергетската и климатската криза, овозможувањето на енергетски системи засновани на локални, обновливи извори на енергија, наместо на фосилни горива увезени од недемократски држави, е многу релевантно за слободните општества.

Овој документ содржи препораки за дејствување на политичко ниво за пазарот за греење во Северна Македонија, кои SDEWES-Скопје ги сметаат за корисни за транзицијата за греење врз основа на резултатите од проектот.

Од ноември 2019 до април 2023 година, REPLACE ги поддржа домаќинствата, но и посредниците, политичарите и инвеститорите во транзицијата од стари и неефикасни системи за греење и ладење кон климатски прифатливи решенија. На крајот од проектот, три извештаи ги сумираат резултатите и можат да послужат како инспирација за сите оние кои се заинтересирани да направат замена на системи за греење кои се еколошки прифатливи. Сите извештаи се достапни на англиски јазик.

Проектот REPLACE ги мотивираше домаќинствата во осум европски земји да ги заменат нивните неефиксни системи за греење и ладење со климатски-прифатливи алтернативи. Следните три извештаи даваат преглед на мерките кои ја поддржуваат замената за системи за греење и ладење во проектните региони на REPLACE.

Одржување на топлината во време на криза

„Одржување на топлината во време на криза“ беше мотото на финалната конференција REPLACE, со околу 120 учесници во Брисел и онлајн на 21 март 2023 година. Проектот кој започна во 2019 година ги поддржа домаќинствата во осум европски земји да ги заменат своите неефикасни системи за греење и ладење со климатски прифатливи алтернативи. Во текот на проектот, светот се соочуваше со масовна епидемија предизвикана од COVID-19, а потоа и енергетска криза. Сето тоа влијаеше и на имплементацијата во проектните региони од проектот REPLACE.

Како што истакна Карлис Голдстајн од Министерството за економски прашања и комуникација од Естонија во неговиот говор: „Не очекувавме дека ќе се најдеме во сегашната геополитичка ситуација, а воедно и енергетската транзиција. … ако сега почневме да размислуваме за решенијата, тогаш ќе изгубевме неколку добри години. Многу сум благодарен на тимот на проектот REPLACE за сите нивни напори. Нивните резулати доаѓаат во вистинско време и од голема важност е истите да се разгледаат и промовираат пред поширока јавност“.

Проектот REPLACE произведе бројни материјали и акции кои ги поддржуваат домаќинствата, но и професионалците и носителите на политички одлуки во транзицијата за климатско прифатливо греење. Резултатите, но и нивната промоција и придобивки од истите во иднина беше тема на последниот проектен состанок на 22 март 2023 година во Брисел.

Оваа кампања опфати два најдобри практики на обновливи системи инсталирани во КАГоП регионот. Последните месеци од 2022 година, сопствениците на системите го поканија тимот на SDEWES-Скопје и енергетскиот консултант да ги покажат и објаснија нивните еколошки системи и придобивките што ги искусуваат.

Олеснувањето за реализација на иновативни модели на соработка беше поддржано со тркалезна маса со важен придонес од релевантни клучни чинители. Оваа работилница беше организирана на 13 февруари 2023 година во Скопје со осум чинители.

Во периодот март – јули 2022 година, предфизибилити студија за постоечка зграда која ја проценува економската оправданост на група станови кои колективно купуваат инвертер клима и фотоволтаици (ФВ) и дејствуваат како енергетска заедница која дели електрична енергија внатрешно.

Во текот на изминатата година локалната работна група во КАГоП регионот идентификуваше потенцијални куќи кои користат неефикасен систем за греење.

Ако размислувате да поставите обновлив систем за греење не само за вашата куќа, туку и за повеќестанбена зграда, процесот е полесен ако однапред можете да процените дали инвестицијата би се вратила во краток период. SDEWES-Скопје, партнерот од REPLACE разви техно-економска студија за репрезентативна зграда во КАГоП регионот која покажа ветувачки резултати.